चौधरी नेकपा माओवादी केन्द्रका क्रियाशील सदस्य हुन् । तर राजनीति सँगै घर निर्माण व्यवसायीको कामलाई निरन्तरता दिएका छन् । राजनिति गरेर मात्र पेट भरिन्न कुनै एउटा आफ्नो श्रम हुनु पर्ने उनको धारणा छ । राजनितीमा लागेपछि मानिसहरु सोखिन हुने र श्रम नगरी पैसा कमाउने प्रविद्धी बढेको उनको बुझाई छ ।

चौधरीले श्रम गर्दा आफुलाई लाज नभई गर्व लाग्ने समेत बताए । श्रम गर्दा उनलाई ‘नेता जस्तो मान्छेले के काम गरेको’ भनेर खिसिटिउरी गर्नेहरु छन् । तर उनले आफ्नो काम छोडेका छैनन् । उनले आफ्नो सफलतामा राजनितिको भन्दा श्रमको भुमिका बढी रहेको बताए । चौधरीलाई वडाबासीले पुन वडा अध्यक्ष भएर आउन सुझाव दिइरहेको र आगामी स्थानीय निर्वाचनमा पुन पार्टीले टिकट दिए चुनावी मैदानमा होमिने उनले बताए ।