कपिलवस्तु । कपिलवस्तु प्रहरीले दुई फरक स्थानबाट लागुऔषध ‘ब्राउन सुगर’ सहित तीन जनालाई पक्राउ गरेको छ।
प्रहरीका अनुसार साउन २२ गते साँझ करिब ७ः१५ बजे कपिलवस्तु जिल्लाको यशोधरा गाउँपालिका–८ महुवाबाट ४५ वर्षीय हेमिद मुसलमानलाई चेकजाँच गर्ने क्रममा १।६२ ग्राम ब्राउन सुगरसहित फेला पारी पक्राउ गरिएको हो।
उनलाई कानून बमोजिम कारबाहीका लागि जिल्ला अदालत कपिलवस्तुबाट म्याद थप गरी अनुसन्धान भइरहेको प्रहरीले जनाएको छ। साथै सोही कसुरमा कपिलवस्तु नगरपालिका २ सागर टोलमा बस्ने रिन्कु ताडिवानलाई समेत प्रहरी प्रकाउ गरी अनुसन्धान थालेको छ ।
त्यसैगरी जिल्लाको कपिलवस्तु नगरपालिका–२ फैदी चौराहामा सवारी चेकजाँचका क्रममा ४६ वर्षीय दीप नारायण कुमाललाई ६५ वटा प्लास्टिक प्याकेटमा राखिएको ८।०० ग्राम ब्राउन सुगर र नगद रु। ३०,००० सहित पक्राउ गरिएको छ।
उनलाई समेत म्याद थप गरी अनुसन्धान भइरहेको प्रहरी उपरिक्षक रिपेन्द्र कुमार सिंहले जानकारी दिएको छ।
प्रहरीले लागुऔषध नियन्त्रणका लागि निगरानी र चेकजाँचलाई अझ कडा बनाइएको र यस्ता अवैध कार्यमा संलग्न जो कोहीमाथि कानूनी कारबाही गरिने चेतावनी दिएको छ।
