चेतन विष्ट, कपिलवस्तु । भूतपूर्व सैनिक माध्यमिक विद्यालयको २२ औँ वार्षिकोत्सव, अभिभावक दिवस तथा नतिजा प्रकाशन कार्यक्रम सम्पन्न भएको छ । बुधवार विद्यालयको प्राङ्गणमा विभिन्न विधामा उत्कृष्ट भएका विद्यार्थीलाई पुरस्कार वितरण गर्दै कार्यक्रम सम्पन्न भएको हो ।
कार्यक्रममा बोल्दै बाणगंगा नगरपालिका वडा नम्बर ८ का वडा अध्यक्ष बाबुराम अर्यालले विद्यालय क्षेत्रमा गुणस्तरीय शिक्षा सङ्गै असल व्यवाहारको सीप सिकाउन आवश्यक रहेको बताउनु भयो । पछिलो समय युवाहरु लागुपदार्थ दुव्र्यसनीमा फसिरहेको भन्दै त्यसको लागि विद्यालय तहमामा सचेतनामुलक कार्यक्रम गर्नुपर्ने बताउनुभयो । पछिल्लो समय बालबालिकाहरुमा सिर्जनात्मक क्षमता घट्दै गएको भन्दै त्यसमा शिक्षक सङ्गै अभिभावक विशेष गम्भिर हुन आवश्यक रहेको बताउनुभयो ।
त्यस्तै विद्यालय व्यवस्थापन समितिका अध्यक्ष राजेन्द्र विक्रम शाह, प्रिन्सिपल डम्बर बहादुर सोमैले भू.पू. सैनिक स्कुललाई शैक्षिक गुणस्तर सङ्गै हरेक क्षेत्रमा अब्बल बनाउन लागिपरेको बताउनभुयो ।
कार्यक्रममा शैक्षिक सत्र २०८० को परिक्षा फल प्रकाशन सङ्गै खेल सप्ताहमा विभिन्न खेलमा उत्कृष्ट भएका विद्यार्थीहरुलाई पुरष्कृत समेत गरिएको थियो ।
विद्यालयका प्रधानाध्यापक डम्बर बहादुर सोमैको अध्यक्षतामा भएको कार्यक्रममा विद्यालय व्यवस्थापन समितिका पदाधिकारी, शिक्षक, विद्यार्थी, अभिभावक, समाजसेवी लगायतको उपस्थिती रहेको थियो । कार्यक्रममा विभिन्न तहका विद्यार्थीहरुले नृत्य लगायतका प्रस्तुति समेत देखाएका थिए ।
