कपिलवस्तु । अर्घाखाँची जिल्लाको सन्धिखर्क नगरपालिका–७ स्थित झोलुङ्गे पुलबाट हाम फालेर एक युवतीको मृत्यु भएको छ।
मृत्यु हुनेमा कपिलवस्तुको वाणगंगा नगरपालिका–७ निवासी २३ वर्षीया सरिता भण्डारी रहेको प्रहरीले जनाएको छ। भण्डारीले झोलुङ्गे पुलबाट हाम फालेको प्रारम्भिक जानकारी प्राप्त भएको र घटनापछि उनको मृत्यु भएको प्रहरीले जनाएको हो।
घटनाको कारण खुल्न नसकेको तथा यस सम्बन्धमा थप अनुसन्धान भइरहेको जिल्ला प्रहरीले जनाएको छ।
घटनाबारे आवश्यक कानुनी प्रक्रिया अगाडि बढाइएको र अनुसन्धानबाट थप विवरण आउने प्रहरीले बताएको छ।
