चितवन। भरतपुर अस्पतालमा उपचाररत महिलाको मृत्यु भएपछि आफन्तले चिकित्सकको लापरबाहीले मृत्यु भएको भन्दै छानविन गर्न माग गरेका छन् ।
भरतपुर महानगरपालिका वडा नं।१२ मुनालचोकमा बस्दै आउनु भएको ३९ वर्षीया सम्झना काफ्लेको पाठेघरमा मासु पलाएपछि शल्यक्रियाका लागि मङ्गलबार भरतपुर अस्पतालमा भर्ना गरिएको थियो ।
शल्यक्रियाका लागि तयारी गर्न लठ्याउने सुइ ९एनेस्थेसिया० लगाइएको थियो । लठ्याउने सुइ लगाएपछि होस नआइ राती ९ बजे मृत्यु हुन पुगेको थियो ।
आइसियुमा राखि उपचारकै क्रममा मृत्यु भएपछि आफन्तले अस्पतालको लापरबाहीका कारण मृत्यु भएको भन्दै छानविन गरी दोषी उपर कारबाहीको माग गरेको अस्पतालको सूचना अधिकारी गोपाल पौडेलले जानकारी दिनुभयो ।
पाठेघरमा सिष्ट भएपछि उहाँको अप्रेशन गरेर बायोप्सी निकाल्न लागिएको थियो । मृतक महिलाको मुटुमा पहिल्यैदेखि समस्या भएको सूचना अधिकारी पौडेलले जानकारी दिनुभयो । बिरामीको अवस्था गम्भीर भएपछि बचाउन आईसीयूमा राखिएको तर बचाउन नसकिएको उहाँको भनाइ छ ।
उपचाररत बिरामीको मृत्युपछि देखिएको समस्या समाधान गर्न सम्बन्धित पक्ष राखेर बैठक बसरी समाधान गर्ने तयारी भएको प्रमुख जिल्ला अधिकारी इन्द्रदेव यादवले जानकारी दिनुभयो ।
उपचारका क्रममा बिरामीको मृत्यु भएपछि आफन्तले छानविन समिति राख्न माग गरेपछि घटनाको जिल्ला सुरक्षा समितिको आकस्मिक बैठकमार्फत समाधान गर्न थालिएको उहाँले बताउनुभयो ।
