जनहित अनलाइन, कपिलवस्तु । बाणगंगा–७, बनगाईका आयुष बनजाडेले आफ्नै गाडीको कालो सिसा हटाउँदै ट्राफिक नियम पालनाको उदाहरण प्रस्तुत गरेका छन्। ट्राफिक प्रहरीले सञ्चालन गरेको कालो सिसा हटाउने अभियानलाई सकारात्मक रूपमा साथ दिँदै बनजाडेले आफ्नै सवारी साधनको कालो सिसा हटाएका हुन्।
उहाँले ट्राफिक नियमको पालना गर्नु प्रत्येक नागरिकको दायित्व भएको बताउँदै अन्य सवारी चालकलाई पनि नियमको सम्मान गर्दै आफ्ना सवारी साधनमा जडान गरिएका नियमविपरीतका कालो सिसा हटाउन आग्रह गर्नुभयो। सुरक्षित, पारदर्शी र जिम्मेवार सवारी सञ्चालनका लागि सबैले ट्राफिक नियमको पूर्ण पालना गर्नुपर्ने उहाँको भनाइ छ।
