जनहित अनलाइन, कपिलवस्तु । राष्ट्रिय प्रजातन्त्र पार्टी (राप्रपा) का स्व. नेता ठाकुर प्रसाद डाँगीको १३ औँ दिनको पुण्य तिथिमा कपिलवस्तुमा शोक सभा सम्पन्न भएको छ । राप्रपा कपिलवस्तुले राधाकृस्ण मन्दिर तौलिहवामा शनिबार एक मिनेट मौन धारण गरी हार्दिक श्रद्धाञ्जली अर्पण गरेको हो ।
गत २०८० चैत्र २७ गते राप्रपाले आयोजना गरेको आन्दोलनको क्रममा घाइते भएका डाँगीको यहि बैशाख ३ गते उपचारको क्रममा निधन भएको थियो ।
कार्यक्रममा बोल्दै राप्रपा केन्द्रिय सदस्य ध्रुव बहादुर रायमाझीले पार्टीले आयोजना गरेको शान्तिपुर्ण आन्दोलनमा सरकारले बलजस्ती गर्दा राष्ट्र र पार्टी प्रति कर्मठ र इमान्दार व्यक्तिले ज्यान गुमाउनु परेको बताउनुभयो । स्व. डाँगीलाई सहिद घोषण गर्नुपर्ने पार्टीको माग रहेको पनि उहाँले बताउनुभयो । नेता रायमाझीले देशको अवस्था र व्यवस्था बदल्न जनभावना अनुरुप गरिएको आन्दोलमा हस्तक्षेप गर्नु गलत रहेको बताउनुभयो ।
जिल्ला अध्यक्ष नारायणबहादुर सिंहको अध्यक्षतामा भएको शोक सभा कर्याक्रममा राप्रपाका नेता कार्यक्रता लगायतको उपस्थिती रहेको थियो ।
