जनहित अनलाइन, कपिलवस्तुको बाणगंगा नगरपालिका–४ स्थित चार नम्बरमा विद्युतीय तथा घरायसी सामग्री बिक्री–वितरण गर्ने उद्देश्यले ‘न्यु रिहान इन्टरप्राइजेज’ सञ्चालनमा आएको छ। शुभ साइतमा धार्मिक विधिअनुसार पूजा–आराधना गरी इन्टरप्राइजेजको औपचारिक शुभारम्भ गरिएको हो। इन्टरप्राइजेजका प्रोप्राइटर बिक्रम गैरेले ग्राहकलाई गुणस्तरीय विद्युतीय तथा घरायसी सामग्री उचित मूल्यमा उपलब्ध गराउने लक्ष्यसहित व्यवसाय सञ्चालनमा ल्याइएको बताए। उनले ग्राहकको आवश्यकता र विश्वासलाई प्राथमिकतामा राखेर सेवा प्रदान गरिने जानकारी दिए।शुभारम्भ कार्यक्रममा स्थानीय व्यवसायी, आफन्त, शुभेच्छुक तथा सर्वसाधारणको उल्लेख्य उपस्थिति रहेको थियो। उपस्थित सबैले न्यु रिहान इन्टरप्राइजेजको सफलताको कामना गर्दै शुभकामना व्यक्त गरेका थिए। नयाँ व्यवसायमार्फत ग्राहकलाई सहज, भरपर्दो तथा गुणस्तरीय सेवा प्रदान गर्ने लक्ष्य राखिएको सञ्चालक गैरेले बताए।
