जनहित अनलाइन, कपिलवस्तु । १५औं कपिलवस्तु महोत्सवको सातौं दिन अर्थात मंगलबार चर्चित आधुनिक गायिका एलिना चौहानको प्रस्तुति रहने भएको छ । मंगलबार एलिनासंगै स्थानीय कलाकारको बेजोड प्रस्तुति रहने महोत्सवका मनोरञ्जन तथा सांस्कृतिक कार्यक्रम संयोजक राँमजी सेनले जानकारी दिए ।
सोमबार चर्चित लोकदोहोरी गायक प्रकाश दुतराज, गायिका सिता राना, गायक बसन्त लम्साल लगायतका कलाकारहरुले प्रस्तुति राखेका थिए ।
यसैबीच सोमबार १३औं कपिलवस्तु डान्स आईडलतर्फका १२ जना प्रतिस्पर्धीहरुले प्रस्तुति राखेको डान्स आईडल संयोजक विष्णु मल्लले जानकारी दिईन् । तिमध्ये सन्ध्या परियार बाहिरिएकी छिन् । मंगलबार टप ११ जना प्रतिस्पर्धीहरुले आआफ्नो प्रस्तुति राख्ने जानकारी दिदैं संयोजक मल्लले तिमध्ये एक जना बाहिरिने छन् ।
“सक्षम व्यवसायी, समुन्नत राष्ट्र र आत्मनिर्भर अर्थतन्त्र” भन्ने मूल नाराका साथ महोत्सव बाणगंगाको चारनम्बर जीतपुरस्थित बुद्धरंगशालामा बुधारबादेखि सुरु भएको हो ।
कपिलवस्तु उद्योग बाणिज्य संघद्धारा आयोजित १५औं कपिलवस्तु महोत्सव एवम् कृषि, पर्यटन तथा औद्योगिक प्रदर्शनी महोत्सव पुष २ गतेसम्म चल्ने छ ।
