शुद्धोधनमा आयोजित सडक सभालाई सम्बोधन गर्दै कुँवरले कपिलवस्तुका किसान र ज्याला मजदुर न्यून पारिश्रमिकका कारण मारमा परेको बताए । “दिनभर काम गरेर ४-५ सय रुपैयाँ पाउने अवस्था छ । ५-६ सय रुपैयाँमा परिवार धान्न सकिँदैन । यो मजदुरमाथिको अन्याय हो,” उनले भने, “मैले जितेपछि ज्याला वृद्धि र कार्यान्वयन सुनिश्चित गर्न अनुगमन संयन्त्र बनाउनेछु । जहाँ काम गरे पनि मजदुरले न्यूनतम पारिश्रमिक नपाउने अवस्था अन्त्य गरिनेछ ।”